西歐之旅 (四) 朝拜蒙蒙 (蒙娜麗莎的微笑)

今日全日都係巴黎市內觀光，下午會係購物時間。

早餐更係要食飽 d 啦！又有 honey 可以加到乳酪內食。

因為要接當地導遊，約定地點在鐵塔附近，所以比時間我地影下鐵塔白天的樣子。事實上呢 2日觀光時成日都會見返呢個地標。

有很多小販拎住鐵塔鎖匙扣向遊客埋手，買唔買的都要提防小手呀！

凱旋門 - 又係成日會經過的

歐洲建築物的浮雕都好靚，完全唔覺得已經係一百七十多年前建成的！

凱旋門對出的大街就係香榭麗舍大道 Avenue des Champs-Élysées。

中午飯係中餐，有豬肉餅就算唔錯啦。

一睇呢個倒三角就知係羅浮宮啦，來過先知貝聿銘真係好勁，佢令羅浮宮重新被注視，不破壞呢個中世紀建築物之餘，重利用左地底的原城堡護城河，使羅浮宮能接納更多的參觀者，同時間大家又多左欣賞羅浮宮的角度。

呢度就係其中一部分新的博物館空間，你睇，上面睇又得，下面睇又得，得左！

講解員會帶著我地行。

羅浮宮三寶之一 - 維納斯女神像，精細 ge 雕工使石頭都有肌肉 ge 感覺。

呢個係勝利女神，放在頭頂有自然光進入的地方令佢更有氣勢。

呢個雕塑係源於一個雌雄同體 ge 神話，張墊係後來先加 ga，2 者好配合呀。

跟住就到油畫區啦，亦即係就快見到蒙蒙啦。

呢幅畫的畫家後來再畫了一張一樣的，另一張放了在梵爾賽宮，明天會去睇。

嘩！蒙蒙呀，好蒙呀，又多人，但係講解員話今日算少人啦。你睇佢幾重要，成幅牆就得佢咋！

好努力咁行到最前，係呀，最前 ga 啦，而且有人守住 2 邊，唔比人搞蒙蒙 ga。

好！等我睇下阿蒙個笑容有幾奸，隻眼又有幾斜視先。又真係好似係咁 '啤' 住我咁 wor！

呢幅晝住係蒙蒙對面 ge，不過佢都唔怕冷清，因為佢係全羅浮宮最大 ge 一幅油畫。

行到好攰呀，收獲亦好豐富，係一個可以再來 ge 地方。跟住就要去春天百貨同老佛爺血拚。

但我地去到就發現好多人呀，好多同胞呀，加上剛剛又行到好攰，所以想搵個可以坐下 ge 地方。

春天百貨裡面，呢間係法國最出名 ge Macaroon，一定要試下呀。

我地有試過行出百貨公司搵 d cafe，但係發現街上無冷氣的 cafe 都唔平 lor。

結果又行返去春天百貨裡面，幫襯呢間啦，後來先知佢都幾出名 ga。

樣樣都靚，件件都想食。

要左支 euro 4.8 ge 水。

芝士蛋糕

拿破崙蛋糕

因為唔想係百貨公司同人迫，我地就走左去附近一間教堂，打算參觀加坐低休息一陣，原來佢叫 Eglise de la Sainte Trinite 聖三一大教堂，大概 1867 年建成的。



它的吊燈好靚呀！

它的管風琴好出名架，因為這裡的管風琴師 梅湘 曾經創作出好多管風琴名著。



物件都有種好舊的感覺，但又帶著優美同寧靜。

我們在這裡休息了個多小時呀！哈哈!

出來後發現有 M 記，我們馬上入去，因為歐洲的 M 記大都有 Free wifi 同 Free 洗手間，重幫襯左杯港澳無的 MAGNUM 麥旋風。

今晚的晚餐係自費的，我地就係返酒店之前係超市買左小小野食，加上自己帶來的杯麵，平平地搞掂呢餐啦。

大家都話巴黎好浪漫，我就覺得景點都太多人啦，少人的地方就應該不錯的，好似聖三一大教堂咁啦。